O día 1 de xullo despois de camiñar máis de 250 km., chegamos a nosa meta: Santiago, só nos restan 14 km. Nesta ocasión quedaremos ás 7:45 no Pazo da Opera, como todo o ano, para sair ás 8:00, puntuais.
Para festexar a chegada, e por suxestión de algúns de vós, temos previsto comer en Santiago. É opcional, por eso debedes especificar no momento de anotaros si iredes ou non á comida.
O restaurante que escollimos é "O 42" na rúa do Franco.
O prezo da etapa para socios son 12 € e para non socios 16 €. Lembrade que os que fúchedes a todas ás etapas a derradeira é gratuíta (autobús, non a comida). Consultadeo no momento de inscribiros.
A inscrición xa está aberta, e remata o 28 de xuño, data límite de pago. Lembrade que no caso de non asistir a andaina, deberá ser avisado antes de que remate o prazo de inscrición e pago, se non, non se devolverá o importe.
A misa do peregrino é ás 12 do mediodía, con seguridade non chegaremos, hai outra misa (non do peregrino) a 13:15. Lembrade levar as credencias para obter a Compostela, aínda que si non poderiades ir outro día. Cando presentedes as credenciais deberán estar correctamente cumprimentadas e ter cubertas as datas de todos os cuños, por si non as lembrades aquí tedes a relación:
1.- Médulas-Pente de Domingo Flórez, 23 de outubro
2.- Puente de Domingo Florez- Vilamartín, 13 de novembro
3.- Vilamartín-Bendilló, 27 de novembro
4.- Bendilló-Barxa de Lor, 22 de xaneiro
5.- Barxa de Lor-Monforte, 5 de febreiro
6.- Monforte-Diomondi, 26 de febreiro
7.- Diomondi-Monte faro, 25 de marzo
8.- Monte Faro-Ponte Pedroso, 15 de abril
9.- Ponte Pedroso- Silleda, 13 de maio
10.-Silleda- Lestedo, 10 de xuño
11.- Lestedo-Santiago, 1 de xullo