Expo Pintura, roteiros e aprende a craaar o teu propio pandeiro!

Coma tódolos anos, os alumnos de Artes Plásticas expoñen as súas obras no Forum Metropolitano do 22/4 ó 7/05.

Anímate a votarlle unha ollada!

E esta semana comezamos un novo roteiro: Camiño dos Arrieiros e para o día 29 de abril remata o plazo para apuntarse no Curso de Pandeiro. Non quedan moitas plazas!

Ler máis

Novo Roteiro - XacadAndaina

1ª Etapa do Camiño dos Arrieiros 

O Camiño dos Arrieiros ou Camiño Grande discorre ao longo duns 42 km., unindo As Pontes co Porto de Vares. Divideremos esta ruta en dúas etapas, nesta ocasión realizaremos o primeiro treito duns 24,5km., a través do Concellos das Pontes. 

Este camiño tense empregado dende a Prehistoria como vía de intercambio comercial, constituíndo unha das rotas principais de comunicación entre os pobos do noroeste peninsular, das Illas Británicas e da península Armoricán. A vía recibe o nome dos chamados arrieiros, que durante séculos transportaron todo tipo de mercadorías ao lombo de mulas e cabalos. Máis de 80 mámoas emprazadas nas serras da Faladoira e Coriscada, flanquean o camiño dende As Pontes a Vares. Estas construcións prehistóricas forman xunto coas pedrafitas e as cruces de pedra unha unidade patrimonial de especial interese, que fan do Camiño dos Arrieiros un dos activos culturais máis importantes do territorio.

Actuación de Xasteirazo e Argallo

Os grupos de alumnos da asociación Xasteirazo e Argallo actuarán na Residencia Santa Teresa (Eiris de Arriba s/n) o domingo 7 de Abril ás 11.30 da mañá.

Esperámosvos!

Crea o teu propio pandeiro!

Xa temos as datas do curso para crear o teu propio pandeiro!

Será o 6 de maio ás 17:00h no local da asociación ónde con Xosé Maceda aprenderedes a crear un este sinxelo instrumento de música tradicional, con todo o material incluído, durante unha clase de 4 horas.

O prezo, coma sempre, con ventaxas para ós socios:

• 55 € para socios
• 65 € para non socios