Xacarandaina

‘Gorechos’ é un programa lúdico-educativo que toma como base a cultura galega e que realiza actividades para nenas e nenos de 3 a 6 anos. Este programa foi creado co fin de cubrir un espazo de idade que quedaba exento na Escola da Asociación.

As actividades son para todos os públicos, desde os 3 anos en adiante. Presenta dous obxectivos principais: iniciar a aprendizaxe do folclore galego e das artes plásticas e escénicas e favorecer o desenvolvemento integral da nena ou neno, nos ámbitos motor, afectivo, cognitivo e social.

Componse de catro áreas ou temáticas:

• Motricidade con soporte musical (iniciación ao baile e á danza).
• Música activa (iniciación á música).
• Reciclarte (iniciación ás belas artes).
• Cantocontocanto (iniciacion á lectura, interpretación...).