Xacarandaina participa no XIV Festival Internacional de Siero "María Campos" organizado na cidade de Pola de Siero, Asturias. O programa, incluído nas festas do Carmen e Carmín da localidade asturiana,consta dun desfile de todas as asociacións, colectivos culturais, musicais e artísticos locais.
A continuación, realizaranse as actuacións de cada un dos grupos participantes, acto que servirá de inauguración do novo Auditorio.
Forman parte deste festival conxuntos que proveñen de diferentes partes do mundo:o grupo Manavai, da illa de Pascua (Chile), Dzhangar Kalmyk Dance Ensemble, da República de Kalmikia (Rusia), o Grupo Ollín Mumpa, de Tula de Allende (México), así como outros chegados desde Valencia e Cidade Real.
 |
 |
arquivos: programa
