O grupo Garagao da nosa Asociación viaxa este sábado a Cabañaquinta (Asturias), co gallo dun intercambio entre o noso grupo e o grupo "Les Ayalgues d'ayer". Participarán no seu festival o sábado 12 de xuño pola noite, acompañados por un grupo de música da Asociación.
Do mesmo xeito o grupo "Les Ayalgues d'ayer" fará unha exhibición na nosa Foliada e Romaría tradicional o sábado 19 e domingo 20 deste mesmo mes.
O grupo Garagao está formado por alumnas e alumnos da Escola de Xacarandaina, rapazas e rapaces con idades comprendidas entre os 10 e os 14 anos, guiadas pola mestra de Baile Tradicional Fátima Freire. Veñen de acadar o primeiro premio da Categoría C do Concurso de Baile Tradicional Xacarandaina e, de seguro, que deixarán boa impresión na Comunidade veciña.
