Tras o éxito das primeiras etapas, a Asociación Cultural Xacarandaina convoca a 5ª etapa do Camiño de AIRE MAREIRO que se realizará o 12 de abril percorrendo 20 km. desde a Aldea do Roncudo ata as Grelas.
Este ano chegaremos a Fisterra camiñando pola costa galega. Esta é a quinta das etapas que, despois de realizar a andaina de Coruña-Caión, Caión-Malpica, Malpica-Punta Nariga, Punta Nariga-Corme, retomaremos o camiño na aldea do Roncudo. No traxecto atoparemos tramos similares ás etapas anteriores, aínda que tamén haberá estradas e praia. Chegaremos ata as Grelas, recorrendo 20 km.
A inscrición debe realizarse a partir do 26 de marzo e o remate da mesma, así como o derradeiro día de pago será o 10 de abril. No caso de ausencia o día da ruta non se devolverá o importe.
Os asistentes a todas as rutas desta tempada, terán o autobús gratuíto na derradeira andaina.
- Datos de interese:
- Presentación no Pazo da Ópera: 07:45 h.
- Saída ás 08:00 con moita puntualidade.
- Hora de regreso aproximada: 18:00 h.
- Comida non incluída.
- Prazas limitadas.
- Prezos:
- Soci@s: 17 euros
- Non soci@s: 19 euros
- Recomendacións:
- Roupa cómoda e calzado de trecking. Evitar calzado sinxelo deportivo coa parte de abaixo lisa.
- Roupa de abrigo e impermeable.
- Roupa de augas.
- Chaleco reflectante.
- Comida e auga.
- Protección solar.
- Lanterna ou frontal.
- Mochila.
- Roupa de reposto.