|
O título deste espectáculo pretende reflectir o espírito co que foi creado: unha peregrinación á Galicia doutro tempo polo camiño da lírica, das lendas, da fala, e dos trobadores do Camiño Portugués, Camiño do Sul, a través das súas diferentes manifesatacións culturais. A presentación é unha parte importantísima do espectáculo: unha música de fondo medieval e galega, que cumpre a labor de evocar as primeiras peregrinacións, e unha voz en off de muller levan ao espectador polo camiño. Tamén hai diferentes sons evocadores da vida rural e a natureza de Galicia ( a choiva, o mar, os muiños, os carros...) que nos axudan a vivir unha viaxe polo Camiño do Sul dende outro punto de vista ben distinto. Xacarandaina pretende con esta gala folclórica a recuperación da cultura tradicional do Camiño Portugués así coma a súa divulgación no seu estado máis puro, tal como foi recompilado, servindo de transmisor entre os informantes e o público.
|
O programa de "Camiño do Sul" é o seguinte:
Primeira parte:
-
Pandeiretada de Cordeiro
-
Xota de Louredo
-
Canteiros
-
Muiñeira de Carcacía
-
Cantigas de Cerquido
-
Muiñeira das Castañolas
-
Danza de espadas de Redondela
|
Segunda parte:
-
Danza de antroido de San Adrián de Cobres
-
Pateado de Trasmonte
-
Reis de Cesures
-
Muiñeira de Trasmonte
-
Xota de Tui
-
Xota de As Cortellas
-
Vira de Vila Praia de Áncora
|