Este sábado 10 o Grupo de Música e Bailes Tradicionais Xacarandaina presenta o seu novo espectáculo etnográfico: Galizien Amerika Linie.
A emigración, un tema tan vencellado con Galicia, é o eixo desta nova proposta escénica, con tanta repercusión na nosa terra; nunca tal se vira que afectara a tal cantidade de persoas, familias enteiras, pais e fillos separados e, nembargantes, tan lonxano coma actual e presente.
Esta gran homenaxe de Xacarandaina partirá por primeira vez dende o Auditorio Carmen Estévez de Vilalba, ás 20:30h con entrada de balde.
O novo espectáculo está encadrado dentro do programa Danza3, en convenio co AGADIC, e percorrerá Galicia mostrando este importante fenómeno da nosa historia contemporánea, a través dun espectáculo no que se mesturan bailes, músicas e un coidado vestiario. De xeito fiel a todos os espectáculos de Xacarandaina proponse unha novedosa representación do folclore galego, saltando un chanzo máis na escenografía con un coidado deseño de luz, espazo sonoro e audiovisual e combinando así a arte tradicional coas novas tecnoloxías.
Esperámosvos a todos!
Máis información: a nosa web | Xunta de Galicia | Concello de Vilalba | Descubre Lugo | Malmequer | Xacobeo | Chuza! | El ideal gallego