RSS
| "Xacarandaina non é un ballet folclórico, non é unha coral, non é unha banda de gaitas, non é un grupo folk; Xacarandaina pretende ser algo máis. Investiga o folclore e interprétao como o atopa no seu lugar de orixe, buscando a maior pureza e o parecido co real, pretendendo con isto ser un exemplo vivo da arte popular de Galicia, continuada polo pobo e para o pobo" |
Como cada época de Nadal volven as Cantadas a encher de folclore as rúas do centro da Coruña. Será coma sempre, no entorno da Rúa Florida, nas seguintes datas:
Os Reis Magos de Oriente visitan Xacarandaina o mércores 17 de decembro ás 18:00 horas. Se o túa nena ou neno quere entregarlle a carta ao seu Rei e contarlle aqueles agasallos que lle gustaría conseguir, anótao na secretaría da Asociación e visítanos o 17 de decembro para que se acheguen ao seu Rei Mago favorito.
Ven e divírtete con Xacarandaina!
Desde a A.C. Xacarandaina queremos informar a tod@s os nen@s soci@s da Asociación que a comisión de XacaCulturais acaba de programar unha visita guiada o día 20 de decembro ás 17:00 h. á exposición “El ártico se rompe”.
“El ártico se rompe” é unha exposición itinerante que estará ubicada na carpa do Xardíns de Méndez Núñez na época do Nadal e que ten por obxecto mostrarnos a singularidade do ecosistema Ártico e evidenciar o importante papel das súas características físicas e a súa biodiversidade no clima global.
A exposición ten como punto de partida as impactantes fotografías de Andoni Canela, o prestixioso fotógrafo de natureza que viaxou por todo o territorio ártico e nos trae imaxes de total actualidade.
A actividade vai dirixida aos nen@s a partir de 4 anos. É imprescindible anotarse na Secretaría da Asociación antes do 19 de decembro. Durante a actividade estarán acompañad@s dun monitor/a en todo momento.
Actividade gratuíta!
Aprende e divírtete con Xaca!
Tras o éxito da primeira etapa, a Asociación Cultural Xacarandaina convoca a 2ª etapa do Camiño de AIRE MAREIRO que se realizará o 30 de novembro percorrendo 25 km. de Caión a Malpica.
Este ano chegaremos a Fisterra camiñando pola costa galega. Esta é a segunda das etapas do noso comezo, despois de realizar a andaina de Coruña-Caión, continuaremos agora con Caión-Malpica, co fin de realizar máis adiante a coñecida Ruta dos Faros. Nesta segunda etapa chegaremos a Malpica recorrendo 25 km. Será unha etapa bastante sinxela, na que recorreremos a costa e cruzaremos as Dunas de Baldaio.
Ler máis
Twitter @AcXacarandaina
Convenio de colaboración do Concello da Coruña e a Asociación Cultural Xacarandaina para financiar o aluguer da aula de ensaio.
Contacto:
Rúa Historiador Vedía nº3
A Coruña - 15004
Teléfono da Asociación: 981 277 315
